Xoghayaha Arrimaha Dibadda ee dalka Maraykanka
Maraykanka ayaa dhab ah ula wareegay maamulka iyo go’aannada fulinta ee dalka Venezuela ka dib xariggii Madaxweyne Nicolas Maduro. Sida ay sheegtay warbixin ay daabacday warbaahinta New York Times.
Warbixinta ayaa muujisay in dawladda Maraykanka ay gacanta ku hayso maamulka maaliyadda ee dalkaas, iyadoo Waaxda Maaliyadda ee Maraykanka ay maamusho inta badan dakhliga ka soo baxa dhoofinta agabka Venezuela.
Lacagaha ayaa loo qoondeeyaa bangiyada dalkaas sidii “lacagta jeebka”, taasi oo Rubio iyo kooxdiisa siinaysa awoodda kowaad ee go’aaminta qarashka iyo kharashgaraynta dawladda.
Dhanka kale, hoggaamiyaha kumeelgaarka ah ee dalkaas, Delcy Rodríguez, oo xilka kula wareegtay barakada Washington, ayaa la sheegay inay awaamiirta tooska ah ka hesho Rubio iyadoo loo soo marinayo fariimaha “WhatsApp”, isagana uu ansixiyo magacaabista xilalka muhiimka ah.
Siyaasadda arrimaha dibadda ee Venezuela ayaa gebi ahaanba weysay madaxbannaanideedii wixii ka danbeeyay xariggii Maduro.
Wararka.so — your trusted source for global news.
