Hargeysa —
Taliska Booliska Somaliland ayaa ka warbixiyay falal amni darro iyo dilal dhowr ah oo toorrey loo adeegsaday oo maalmihii lasoo dhaafay lagula kacay saraakiil ka tirsan isla ciidanka booliska.
Saraakiisha mindiyaha lagu dilay ayaa waxaa kamid ahaa Marxuum Cabdi Cali Nuur oo ahaa taliyihii saldhigga booliska degmada Maxamed Mooge ee magaalada Hargeysa.
Howlgal ay boolisku sameeyeen ayay sheegeen inay kusoo qabqabteen boqollaal toorrey iyo baangado ah iyo raggii geystay dilalka, oo qaarkood maxkamad lasoo taagay, kuwa kalena la xukumay.
Faahfaahinta warkaan waxaa Hargeysa kasoo diray Xamze Cali Jeesto.
