Madaxweynaha Dowladda Puntland ayaa soo saaray Xeer Madaxweyne Lr. 20 ee ku taariikhaysan 6-da Luulyo 2026,…
Wararka Soomaaliya
Madaxweynaha Dowladda Puntland ayaa soo saaray Xeer Madaxweyne Lr. 20 ee ku taariikhaysan 6-da Luulyo 2026, kaas oo xilkii looga qaaday Agaasimihii Guud ee Hay’adda Forensic Sayniska Puntland, Cabdirashiid Maxamed Shire. Xeerkan ayaa lagu saleeyey Qodobka 80-aad ee Dastuurka Dowladda Puntland.
Wareegtada ayaa lagu sheegay in go’aankan uu qayb ka yahay dadaallada lagu dardargelinayo, dib loogu habeynayo, laguna tayeynayo maamulka Hay’adda Forensic Sayniska Puntland, si kor loogu qaado hufnaanta iyo tayada shaqadeeda.
Ka hor soo saarista xeerkan, Madaxweynaha Dowladda Puntland ayaa la tashaday Madaxweyne Ku-xigeenka Dowladda Puntland, sida ku cad qoraalka rasmiga ah ee wareegtada.
Faahfaahinta
Xeerka ayaa dhaqan galay isla markii uu Madaxweynaha saxiixay, iyadoo aan weli la shaacin cidda loo magacaabayo Agaasimaha cusub ee Hay’adda Forensic Sayniska Puntland.
Wararka.so waxay kuu soo tebineysaa wararka ugu dambeeyey ee Soomaaliya iyo caalamka. Si aad ula socoto wararkii ugu dambeeyey, booqo boggayaga.
