Dad badan ayaa lagu soo waramayaa inay ku dhinteen rasaas ka dhacday magaalada Stade ee waqooyiga Jarmalka.
Wararka Soomaaliya
Toogasho ka dhacday magaalada Stade ee waqooyiga Jarmalka ayaa waxaa ku dhintay dhowr qof Isniintii, sida ay sheegeen booliiska maxalliga ah.
Booliiska ayaa markii hore soo sheegay in shan qof oo qaangaar ah ay dhinteen, laakiin markii dambe waxay sheegeen in ay dhimashada gaartay lix qof.
Shan qof ayaa goobta ku dhintay, halka kan lixaadna uu ku dhintay isbitaalka sababo la xiriira dhaawacyo soo gaaray, sida ay booliisku sheegeen.
Faahfaahinta
Dhowr qof ayaa sidoo kale ku dhaawacmay dhacdadan, laakiin booliisku ma aysan sheegin tirada saxda ah.
Booliska Stade ayaa sheegay in la xiray laba qof, oo uu ku jiro qofkii looga shakisanaa inuu toogashada geystay.
Afhayeen u hadlay booliiska ayaa u sheegay wakaaladda wararka ee AFP in toogashada ay u badan tahay inay ahayd mid la xariirta khilaaf soo dhexgalay qoys iyo caruur la isku heystay.
Wararka.so waxay kuu soo tebineysaa wararka ugu dambeeyey ee Soomaaliya iyo caalamka. Si aad ula socoto wararkii ugu dambeeyey, booqo boggayaga.
