xigeenka Puntland Ilyaas Cismaan Lugatoor, ayaa maanta xafiiskiisa ku qaabilay wafdi ka socday Hay’adda Save…
Wararka Soomaaliya
Madaxweyne Ku-xigeenka Puntland Ilyaas Cismaan Lugatoor, ayaa maanta xafiiskiisa ku qaabilay wafdi ka socday Hay’adda Save the Children, kaas oo uu hoggaaminayay Madaxa Hay’adda ee Soomaaliya, Mudane Maxamed Maxamuud Xasan, iyo masuuliyiin ka tirsan xafiiska hay’adda ee Puntland.
Kulanka ayaa looga hadlay xoojinta xiriirka iyo wadashaqaynta u dhaxaysa Dowladda Puntland iyo Hay’adda Save the Children, iyo sidii loo dardargelin lahaa howlaha horumarineed ee hay’addu ka waddo deegaanada Puntland.
Madaxweyne Ku-xigeenka iyo wafdiga ayaa si gaar ah diiradda u saaray muhiimadda ay leedahay qareemidda iyo ilaalinta xuquuqda carruurta, iyadoo la isla eegay sidii loo horumarin lahaa barnaamijyada loogu adeegayo carruurta iyo qoysaska nugul.
Faahfaahinta
Sidoo kale, kulanka ayaa lagu gorfeeyay horumarinta adeegyada caafimaadka, gaar ahaan sidii loo xoojin lahaa adeegyada aasaasiga ah iyo in bulshada Puntland ay hesho adeegyo caafimaad oo tayo leh.
Madaxweyne Ku-xigeenka Puntland ayaa soo dhaweeyay dadaallada Hay’adda Save the Children, isaga oo adkeeyay muhiimadda ay leedahay iskaashi joogto ah oo lagu horumarinayo adeegyada bulshada, gaar ahaan dhinacyada caafimaadka iyo ilaalinta carruurta.
Wararka.so waxay kuu soo tebineysaa wararka ugu dambeeyey ee Soomaaliya iyo caalamka. Si aad ula socoto wararkii ugu dambeeyey, booqo boggayaga.
