Ururka iskaashiga Islaamka oo Cambaareeyay Furitaanka wax loogu yeeray Safaarad oo Somaliland ku Yeelatay Qudus
Ururka Iskaashiga Islaamka (OIC) ayaa si adag u cambaareeyay furitaanka waxa ay ku tilmaantay “safaaradda Somaliland” ee magaalada Qudus (Jerusalem) ee ay Israa’iil maamusho. Bayaan kasoo baxay xoghaynta guud ee OIC maanta oo taariikhdu tahay 15-ka Juun 2026 ayaa lagu sheegay in tallaabadan ay tahay mid sharci-darro ah isla markaana ka hor imaanaysa Axdiga Qaramada Midoobay iyo qaraarrada caalamiga ah ee khuseeya xaaladda Qudus. Ururku wuxuu caddeeyay in Israa’iil aysan lahayn madaxbannaani sharci ah oo ay ku maamusho Qudus, isagoo xusay in dhammaan tallaabooyinka lagu beddelayo xaaladda siyaasadeed, sharci iyo juquraafiyeed ee magaaladaasi ay yihiin kuwo aan waxba ka jirin marka loo eego sharciga caalamiga ah.
Sidoo kale, OIC ayaa mar kale xaqiijisay taageeradeeda buuxda ee Jamhuuriyadda Federaalka Soomaaliya, gaar ahaan ilaalinta midnimada dhuleed iyo madax-bannaanida dalka. Ururku wuxuu ugu baaqay beesha caalamka inay qaadato mowqif adag oo looga hortagayo tallaabadan uu ku tilmaamay sharci-darrada. Bayaankan ayaa kusoo beegmaya xilli ay sii kordhayaan doodaha iyo falcelinnada la xiriira xiriirka cusub ee u dhexeeya Somaliland iyo Israa’iil.
