Hay’ad xuquuqul insaanka oo caalami ah ayaa UAE ku eedeysay inay tahay marin ay sii maraan maleshiyaadka iyo kooxaha hubeysan ee ka hawlgala Afrika. Warbixinta ayaa sheegtay in magaalada Dubai ay noqotay xarun ay ku kulmaan shirkadaha amniga gaarka ah iyo dillaaliinta hubka.
Warbixinta ayaa xustay in dhowr dal oo Afrikaan ah ay kala kulmeen dhibaatooyin amni oo ay sababaan maleeshiyaadkan, kuwaas oo qaarkood ay maalgeliyaan dowlado shisheeye. UAE ayaan weli si rasmi ah uga jawaabin eedeymahan.
Khubarada amni darrada ayaa sheegay in arrintani ay qayb ka tahay tartan ballaaran oo ka socda Geeska Afrika, halkaas oo quwadaha caalamiga ah ay ku loolamayaan saamayn siyaasadeed iyo dhaqaale. Dawladaha Afrikaanka ah ayaa loogu baaqay inay sameeyaan baaritaan ku saabsan arrintan.
