UK oo ku dhawaaqday mamnuucida baraha bulshada ee carruurta ka yar 16 sano
Boqortooyada Ingiriiska ayaa lagu wadaa inay ku dayato Australia iyo Indonesia iyadoo dhalinyarada ka mamnuucday baraha bulshada. Ra’iisul Wasaare Keir Starmer ayaa sheegay in baraha bulshada sida Instagram iyo TikTok ay dhalinyarada ka dhigaan kuwo aan faraxsanayn. Carruurta da’doodu ka yar tahay 16 sano ayaa laga mamnuucayaa isticmaalka baraha bulshada ee UK laga bilaabo horraanta sanadka soo socda, sida ay dawladda Ingiriisku ku dhawaaqday Isniintii.
Ra’iisul Wasaare Keir Starmer ayaa sheegay in baraha bulshada ee caanka ah sida Snapchat, TikTok, YouTube, Instagram, Facebook iyo X (oo hore loogu yiqiin Twitter) lamid yihiin balwada, taasoo ka dhigaysa kuwo “khatar ah” oo ka dhigaya dhallinyarada kuwo “aan faraxsanayn.”
Mamnuucidda, oo Starmer uu rajaynayo in ay dhaqan gasho horraanta 2027, waxay daba socotaa go’aanadii ay horey u gaareen dalalka Australia, Kanada, Brazil iyo Indonesia. Mamnuucidda baraha bulshada ee caruurta ayaa ah tallaabo ay si weyn u taageersan yihiin inta badan waalidiinta, iyadoo 90% waalidiinta Ingiriiska ee la wareystay ay taageersan yihiin.
