Garoowe —
Dowlad Goboleedka Puntland ayaa ku eedaysay Dowladda Federaalka Soomaaliya inay dhaqaalo ku bixinayso in ay burburiso deganaashaha gobolka.
Labada dhinac ayaa waxaa muddo u dhaxeeyey khilaaf xooggan, oo sababay in ay hakanto wada-shaqeyntii, marar bandanna hadallo kulul ay isku mariyaan warbaahinta.
Warbiixntan waxaa Garoowe ka soo diray Nuux Muuse Birjeeb.
Dhinaca kale, wasiir ku-xigeenka wasaaradda warfaafinta dawladda federaalka Soomaaliya Cabdiraxmana Yuusuf Al-Caddaala ayaa beeniyay eedo maamulka Puntland uu u jeediyey dowladda federaalka Soomaaliya.
Wasiirka oo beryhan safar shaqo ku joogay dalkan Mareykanka ayaa nagu soo booqday Istudiyaha VOA-da ee magaalada Washington.
Maxamed Cabdi Xassan oo wareysigan la yeeshay al-Cadaalla ayaa weydiiyay su’aalo, isagoo ka jawaabay eedda ay Puntland u soo jeedisay dowladda Soomaaliya.
