Ilaalada Kacaanka Islaamiga ah ee Iran ayaa Ku Dhawaaqay
Ciidanka Ilaalada Kacaanka Islaamiga ah ee Iran (IRGC) ayaa sheegay inay qaadeen weerarro cusub oo ay ku beegsadeen saldhigyo ciidan oo ku yaalla dalalka Kuwait iyo Baxrayn.
IRGC ayaa gebi ahaanba burburiyeen nidaamyada difaaca Patriot iyo bakhaarro shidaal ee ku yaalla saldhigyo Mareykanka ee dalalka Kuwait iyo Baxrayn.
Sida ay Iran sheegtay, weerarrada ayaa sidoo kale lala beegsaday xarumo ku yaalla saldhigga Sheikh Isa Air Base ee dalka Baxrayn, waxaana ka mid ahaa goobo dayactirka diyaaradaha, hangarro iyo xarumo lagu hago diyaaradaha aan duuliyaha lahayn (drones).
Weerarradan ayaa lagu sheegay inay qayb ka yihiin howlgalka aargoosiga ah ee Iran ay ugu magacdartay “Isha-Isha”, kaas oo jawaab u ah duqeymo cusub oo Mareykanku ku qaaday bartilmaameedyo militari oo gudaha Iran ah.
Xiisadda u dhexeysa Tehran iyo Washington ayaa sii xoogeysanaysa, iyadoo is-weydaarsiga weerarrada uu ku fiday dalal badan oo Khaliijka ah.
Wararka.so — your trusted source for global news.
