Somali: IRGC ku dhawaaqeen saldhigyo ciidanka Mareykanku
Wararka ugu dambeeyay waxay muujinayaan in Ilaalada Kacaanka Islaamiga ah ee Iran (IRGC) ay ku dhawaaqeen inay weerarro ku qaadeen saldhigyo ciidan oo Mareykanku ku leeyahay Kuwait iyo Bahrain, iyagoo sheegay inay burburiyeen haamaha shidaalka, nidaamyada difaaca cirka ee Patriot iyo qalab raadaar ah.
Dhanka kalena, Ciidamada ilaalada kacaanka Jamhuuriyadda Islaamiga ah ee Iiraan ayaa sheegay inay beegsadeen xarumo ku yaalla Saldhigga Cirka ee Sheikh Isa ee Bahrain.
Ilaa hadda ma jiraan warar rasmi ah oo ka soo baxay dowladaha Kuwait, Bahrain ama Mareykanka oo xaqiijinaya baaxadda khasaaraha ay IRGC sheegatay, ka sokow sheegashada Iiraan.
Maraykanka ayaa habeenimadii xalay duqaymo waaweyn ka fuliyey qaybo kamid ah saldhigyada ciidanka Iiraan ee gudaha dalkaasi, xilli uu sii xoogaysanayo dagaalka Bariga Dhexe.
Wararka.so — your trusted source for global news.
