Ciidanka Booliska Soomaaliya ayaa warbaahinta u soo bandhigay dhallinyaro caan ka ah baraha bulshada, kuwaas oo lagu eedeeyay inay faafinayeen waxyaabo lagu tilmaamay dhaqan-xumo iyo fariimo aan ku habboonayn bulshada.
Wararka Soomaaliya
Dhallinyarada la soo bandhigay waxaa ka mid ah Wasiir Shabalaza, oo caan ku ahaa muuqaallada madadaalada, ciyaaraha iyo kaftanka uu ku baahin jiray baraha bulshada.
Muddooyinkii u dambeeyay ayuu si weyn ugu firfircoonaa YouTube iyo sameynta noocyo kala duwan oo content ah.
Booliska ayaa sheegay in eedeymaha loo jeediyay dadka la qabtay ay la xiriiraan faafinta waxyaabo ka hor imanaya anshaxa bulshada iyo ku xadgudub sharciyada dalka.
Faahfaahinta
Saraakiisha ammaanka waxay xuseen in baaritaannadu ay weli socdaan.
Mas’uuliyiintu waxay sheegeen in marka baaritaannada la soo gabagabeeyo, eedeysanayaasha loo gudbin doono maxkamadda awoodda u leh si ay u wajahaan dacwadaha loo haysto.
Ilaa iyo hadda, maxkamad kama aysan soo saarin wax xukun ah, sidaas darteed eedeysanayaashu waxay sharci ahaan yihiin kuwo aan dambi lagu helin ilaa ay maxkamad go’aan ka gaarto.
Wararka.so waxay kuu soo tebineysaa wararka ugu dambeeyey ee Soomaaliya iyo caalamka. Si aad ula socoto wararkii ugu dambeeyey, booqo boggayaga.
