, 2025-06-07 13:44:41 ,

Getty Images3 Saacadood ka horMarkii uu Elon Musk dhowaan ku dhawaaqay inuu ka baxayo siyaasadda, maalgashatada ayaa rajeynayay in taasi ay la micno tahay inuu kor u qaadi doono ku lug lahaanshihiisa shirkado badan oo teknoloji ah oo uu maamulo.Khilaafkii ka dhex qarxay isaga iyo Donald Trump iyo baahintiisii ereyada adag ayaa soo jeedinaya isbeddelada mudnaanta u leh Musk, inaysan noqon karin badbaadada ay rajaynayeen.Baddelkii uu Musk ka yara jeesan lahaa indhaha dadweynaha oo uu diiradda saari lahaa kor u qaadida hantida Tesla iyo ganacsigiisa kale, wuxuu hadda arkay in uu hanjabaad qaadicitaanka ah uu kala kulmay mid ka mid ah macaamiishiisa ugu waaweyn oo ah dawladda federaalka ee Trump hogaamiyo.Saamiyada Tesla ayaa khamiistii loo diray hoos u dhaca xorta ah ee 14%, sida uu baraha bulshada ka sheegay madaxweyne Donald Trump.Wax yar ayay dib u soo kabteen jimcihii ka dib markii calaamadaha qaar ay soo yara dageen.Si kastaba ha ahaatee, maalgashatada iyo falanqeeyayaasha ayaa muddo bilo ah caddeynayay inay rabaan Musk uu telefoonkiisa damiyo oo uu ku soo laabto shaqada,hase ahaatee xaalku aad ayuu uga fogyahay.Hoos u dhaca Tesla Getty ImagesQaar ayaa ku doodaya dhibaatooyinka ganacsi ee Musk ay aad uga qoto dheer yihiin dood iyo doorka muranka dhaliyay ee maamulka Trump oo u keentay dhamaad cajiib ah.Saxafiga ruug-caddaaga ah ee teknoolajiyada Kara Swisher ayaa u sheegtay BBC “Tesla waa u dhammaatay. Waxa ay ahayd shirkad baabuur oo aad u wanaagsan. Waxay ku tartami karaan tagaasida iskood isku wada , laakiin waa ay dambeeyaan.”Tesla ayaa muddo dheer isku dayaysay la tartamida shirkadda xifaaltanku ka dhaxeeyo ee Waymo oo ay leedahay Google-parent Alphabet,taas oo tagaasideeda darawal la’aanta sanado badan ay dhex marayeen waddooyinka San Francisco, oo haddana ka shaqeeya dhowr magaalo oo kale.Waxa uu bulshada bartiisa X kula wadaagay asbuucii hore in samaynta baabuurta korontada ay tijaabisay shirkada ee Model Y iyada oo aan wax darawal ah la socon.Ross Gerber oo ah madaxweynaha iyo maamulaha shirkada maalgelinta ee Gerber Kawasaki ayaa sheegay Musk uu yahay “Qof awood leh marka uu sheey diiradda saaro,”Gerber oo ka mid ah maalgashatada Tesla ayaa dib u soo ceshtay hantidiisa tan iyo markii uu Musk u galay siyaasadda garabka midig. Wuxa uu ugu yeeray Khamiista “maalin aad u xanuun badan.””Waa waxa ugu doqonimisan ee aad samayn karto inaad ku fikirto inaad leedahay awood ka badan tan madaxweynaha Maraykanka,” Gerber ayaa yiri, isaga oo ka hadlayay khudbadaha baraha bulshada Musk ee ka dhanka ah Trump.BBC-du waxa ay la xiriirtay X, Tesla, iyo SpaceX iyada oo raadinaysa falcelinta Musk laakiin ma aysan helin jawaab.Dhibaatada gaarka ah ee Musk ayaa ah kahor inta uusan caddow ka dhex abuuran Trump inuu horay u lahaa mid kale oo ah olole ka dhan ah shirkadiisa gawaarida oo ka socday baraha bulshada oo loogu magac daray #TeslaTakedown, taasi oo socotay asbuuc kasta tan iyo markii Trump xilka uu la wareegay.Bishii Abriil, Tesla ayaa sheegtay in 20% hoos u dhac ku yimid iibka baabuurteeda gaar ahaan saddexda bilood ee ugu horreeya sanadka. Faa’iidada ayaa hoos u dhacday in ka badan 70%, qiimaha saamiguna waxa uu wajahay hoos u dhac.Arrin kale oo ka mid ah boqortooyadii Musk ee kicisay carada dadkiisa waa X oo ka mid ah baraha bulshada oo mar loo yiqiin Twitter.”Waxa uu iibsaday Twitter-ka si uu saameyn u yeesho oo uu awoodo inuu gaaro boqolaal milyan oo qof,” ayuu yiri Donovan.Astaanta shakhsiyeed Getty ImagesHeerka sare ee uu joogo Musk ee ka soo horjeeda Trump ma laga yaabaa inay ka caawiso inuu dib u hanto indhaha dadka ka soo horjeeda isaga, ee sababta ay u ahayd xiriirkii hore ee madaxweynaha?Patrick Moorhead oo ah falanqeeye ayaa qaba inay taasi dhici karto. “Waxaan nahay waddan cafis badan,” Moorhead ayaa ku yiri wareysi telefoonka ah.”Waxyaabahani waxa ay qaataan wakhti,” ayuu ku jawaabay, laakiin “ma ahan wax aan horay loo arag”.Swisher ayaa la mid dhigtay astaanta gaarka ah ee Musk middii aasaasihii Microsoft Bill Gates in ka badan labaatan sano ka hor.Waxa ay sheegtay in Gates uu hagaajiyay sawirkiisa, iyada oo mar loo arki jiray qof kibir badan oo isla weyn.”Wax buu bartay. wuu koray. Dadku way isbedeli karaan,” ayay tiri Swisher oo intaa ku sii dartay, in Musk uu “si cad u dhibtoonayo.”Shirkada Space oo meesha ka baxdaDhibaatada Musk ee mustaqbalka isaga iyo shirkaddiisu ma aha oo kaliya waxa uu sameeyo, laakiin waa mid uu sidoo kale uu go’aan ka gaari karo Trump.In kasta oo Trump uu wakhtigii la soo dhaafay u baahnaa Musk si uu ugu yaraan uga caawiyo maalgelinta tartankiisa madaxtinimo, ma cadda inuu hadda sameeyo.Noah Smith, oo ah qoraaga Noahpinion Substack, ayaa sheegay in faa’iidada aadka u badan ee Trump ee lacagaha loo yaqaan ‘cryptocurrencies’ – sidii aan fiicneyn iyo sidii ay ahaydba – laga yaabo in ay xoreeyso, isaga oo ku xiranaa Musk si uu u fuliyo rabitaankiisa.”Malahaygu waa in tani ay ahayd si uu uga baxo Elon hoostiisa,” ayuu yiri Smith.Hadalkii ugu halista badnaa ee Trump ee uu soo jeediyay ayaa ahaa in la dhimo qandaraasyada dawladda ee Musk, kuwaas oo lagu qiyaasay 38 bilyan oo doolar.Qayb weyn oo lacagtaasi ka mid ah ayaa aada shirkadda gantaalaha Musk ee SpaceX – oo u muuqata inay khatar gelayso mustaqbalkeeda.Si kastaba ha ahaatee, in kasta oo ay jirto digniinta Trump waxa laga yaabaa in ay ka yara qoto dheer tahay sida ay u muuqato.Taasi waa sababta oo ah dayax gacmeedka SpaceX ee Dragon ayaa dadka iyo xamuulka geynaya Saldhigga Hawada Caalamiga ah halkaas oo saddex cirbixiyeennada NASA hadda lagu dhejiyay. Waxay muujineysaa in SpaceX ay si aad ah ugu milantay hawada Mareykanka iyo qalabka amniga qaranka, taasi oo ah in hanjabaadda Trump ay adkaan karto in la fuliyo.Way caddahay saaxiibtinimadii Musk iyo Trump inay dhamaatay. Waa hubaal in ay isku tiirsan yihiin. Wax kasta oo mustaqbalka ganacsiyada Musk uu yahay waxa ay u muuqataa in Trump – iyo talaabooyinka maamulkiisa uu qaado ay tahay mid ay ku sii wadi doonaan inay wax weyn ku yeeshaan waxa laga yeelayo.Ka sii wad akhrinta


Ganacsi,Mareykanka,Donald Trump