, 2024-07-05 20:21:12 ,

Getty Images5 Luulyo 2024Gayton McKenzie oo hore u ahaan jiray burcad isla markaana horay u dhacay bangi ayaa isu rogay mulkiilaha goob lagu caweeyo iyo siyaasi mucaarad ah, Gayton McKenzie ayaa hadda noqday wasiirka ciyaaraha, fanka iyo dhaqanka ee Koonfur Afrika.Madaxweyne Cyril Rampahosa ayaa Mr McKenzie hogaamiyaha Isbahaysiga Patriotic Alliance (PA) u magacaabay inuu ka mid noqdo xukuumada xisbiyada badan ee uu ku dhawaaqay Axadii ka dib markii xisbigiisa African National Congress (ANC) uu lumiyay aqlabiyaddii baarlamaanka doorashadii 29-kii May.50-jirkan ayaa soo dhaweeyay xilka loo magacaabay, wuxuuna soo dhigay sawir uu xiran yahay kabaha kubadda cagta, isagoo si kaftan ah u taabtay, wuxuu soo qoray: “Waad ku mahadsan tihiin dhammaan farriimaha soo dhaweynta ah, waan soo jawaabi doonaa goor dhow, waxaan ku mashquulsanahay inaan isku diyaariyo shaqo ayaa ii taalla.Waxa uu dhacay bangigiisii ugu horeeyay ka hor inta uusan gaarin 16 sano jir, waxa uu qaatay todobo sano oo xabsi ah, waxa uuna wacad ku maray in uu isbedeli doono kadib markii la sii daayay.”Waxaa laga yaabaa in ay jeeva iigu jirto lacag yar, laakiin waxaa maskaxdayda ku jiray bilyan rand. Taasina waa waxa aanay dadku fahmin, ” ayuu ku yiri wareysi uu bixiyay 2013 ee uu siiyay SABC.Waxa uu noqday hadal dhiirigelin ah oo mushahar sare leh, waxa uu daabacay buugaag ku saabsan noloshiisa, waxana uu ku dhiirraday ganacsiyo kala duwan min macdan qodista Zimbabwe ilaa meelaha lagu caweeyo ee Koonfur Afrika – isaga iyo Kenny Kunene, oo ay iskula xirnaayeen xabsiga.Mr Kunene ayaa kasbaday naaneysta “Sushi King” kadib markii uu cunnada loo yaqaanno sushi ku dul sharraxay jirka haween ka qeyb galayay xafladii dhalashadiisa 40-aad ee ka dhacday goobta lagu caweeyo ee Zar Lounge ee ku taal duleedka magaalada Johannesburg ee caasimada dalka Koonfur Afrika.Sawirkaas waxa uu ahaa mid hadal heyn badan dhaliyay hab dhaqanka labiska dumarka iyo sida uu isagu ugu dhiirraday in uu falkaas sameeyo.Goobtii lagu caweeyo ayaa markii dambe albaabada loo laabay, sidoo kale laan ka diiwaan gashan magaca Mr McKenzie oo ku taal magaalada Cape Town ka dib markii lagu soo oogay dacwad la xiriirta kiro iyo koronto la’aan, sida ay sheegtay shabakadda wararka ee IOL. Getty ImagesMaanta waxaa aad loogu yaqaanaa siyaasi, isagoo AP bilaabay 2013, ku xigeenkiisa Mr Kunene.In ka badan toban sano ka dib, xisbigu wuxuu ku guuleystey 2% codadka qaranka wuxuuna si fiican uga soo baxay doorashadii dowlad goboleedka Western Cape, isagoo ku guuleystay 8%.Taageeradiisa waxay inta badan ka timaadaa bulshada midabka leh, maadaama dadka jinsiyadaha isku dhafan ay caan ku yihiin Koonfur Afrika.Ololaha Mr McKenzie ee ka dhanka ah muhaajiriinta aan sharciga lahayn ayaa u ahayd guul cod ah sida ay falanqeeye yaashu qabaan.Dadka dhaleeceeya waxay ku dhaleeceeyeen ololihiisa mid nacayb ah.Waxa uu rabay wasaaradda amniga, sababtoo ah waxa uu sheegay in noloshiisii hore ee burcad-badeednimada ay la macno tahay in uu meel wanaagsan u marayo la tacaalidda dambiyada sare ee Koonfur Afrika.Laakin go’aanka Mr Ramaphosa uu ku siiyay Mr Mckenzie kursi ka mid ah golihiisa wasiirada ayaa ah mid halis siyaasadeed ah, maadaama uu xudun u yahay baaritaanka ay amartay xukuumadda Western Cape. Waxaa gacanta ku haya Isbahaysiga Dimuqraadiga (DA), oo ah siyaasi aad ugu xafiiltama PA, in kasta oo ay hadda saaxiibo ku yihiin dawladda Mr Ramaphosa.Ilaa sanadkii hore, Mr McKenzie waxa uu ahaa duqa Bartamaha Karoo waxaana lagu eedeeyay in uu ku guuldareystay in uu caddeeyo ($161,000, £127,000) oo lagu aruuriyay casho sharaf sanadkii 2022 si loo horumariyo adeegyada bulshada, oo ay ku jiraan dayactirka barkadaha dabaasha iyo waxyaabo kale.”Runtu way soo bixi doontaa, ma hayo wax aan qarinayo,” ayuu yiri, isagoo raaciyay: “Beentu waxay leedahay lugo gaaban.”


Ciyaaraha Fudud,Ciyaaraha,Koonfur Afrika